જમ્મુ-કાશ્મીરમાં ગુરુવારે પુલવામા જેવા આતંકી હુમલાના કાવતરાને સુરક્ષા દળોએ નિષ્ફળ બનાવ્યો છે. અહીં પુલવામા નજીક સેન્ટ્રો કારમાં આઈઇડી (ઇમ્પરોવાઇસ્ડ એક્સપ્લોઝિવ ડિવાઇસ) પ્લાન્ટ લગાવવામાં આવ્યો હતો, જે સમયસર ઓળખાઈ ગયો. બોમ્બ ડિસ્પોઝલની ટુકડીએ આ બોમ્બને સમયસર નિષ્ફળ બનાવ્યો હતો.
પુલવામા પોલીસ, સીઆરપીએફ અને આર્મીએ સાથે મળીને કાર્યવાહી કરતાં આ વાહનની ઓળખ કરી હતી અને તેમાં આઈઈડીનું અસ્તિત્વ શોધી કાઢ્યું હતું. ત્યારબાદ બોમ્બ ડિસ્પોઝલની ટુકડી બોલાવવામાં આવી અને આખરે આ આઈઈડી બ્લાસ્ટને નિષ્ફળબનાવવા માં સફળતા પ્રાપ્ત થયી
એવું કહેવામાં આવી રહ્યું છે કે એક આતંકવાદી વાહન ચલાવતો હતો, જે શરૂઆતના ફાયરિંગ બાદ જ ભાગી ગયો હતો. આતંકી અંધારામાં ભાગી ગયો હતો. આ કેસ હવે એનઆઈએને સોંપવામાં આવી રહ્યો છે. પુલવામાના રાજપુરા રોડ નજીક શાદીપુરા પાસે વાહન ઝડપાયું હતું.
સફેદ સેન્ટ્રો કારમાં ટુ વ્હીલર નંબર પ્લેટ હતી, જે કઠુઆમાં નોંધાયેલ છે. જમ્મુ-કાશ્મીર પોલીસે તેને શોધી કાઢી હતી, ત્યારબાદ બોમ્બની તલાશી લેવામાં આવી. બોમ્બ ડિસ્પોઝલ યુનિટને બોલાવતા પહેલા આસપાસનો વિસ્તાર ખાલી કરી દેવાયો હતો.
તમને જણાવી દઈએ કે અગાઉ ગયા વર્ષે પુલવામામાં આતંકવાદી હુમલો પણ આવો જ હતો. જેમાં એક વાહનમાં બોમ્બ મૂકવામાં આવ્યો હતો અને તે સીઆરપીએફના કાફલામાં ઘૂસી ગયો હતો, ફેબ્રુઆરી 2019 માં થયેલા આતંકી હુમલામાં લગભગ 45 સૈનિકો શહીદ થઇ ગયા હતા.
નોંધપાત્ર વાત એ છે કે છેલ્લા કેટલાક મહિનાઓમાં આતંકીઓ દ્વારા જમ્મુ-કાશ્મીરની શાંતિને ખલેલ પહોંચાડવા માટે અનેક પ્રકારના પ્રયાસો કરવામાં આવી રહ્યા છે. ઘણી વખત મોટા આતંકવાદી હુમલાની રચના પણ બનાવવામાં આવી હતી, પરંતુ દરેક વખતે ભારતીય સૈનિકો આ યોજનાઓને નિષ્ફળ બનાવે છે.
આ સિવાય જમ્મુ-કાશ્મીરના જુદા જુદા ભાગોમાં જ્યાં આતંકીઓ છુપાયેલા છે ત્યાં એન્કાઉન્ટર ચાલી રહ્યું છે. આ જ કારણ છે કે આતંકવાદીઓને તેમના પગ તળેની જમીન ખસતી જોવા મળે છે.
પાછલા દિવસે ભારતીય સેના અને સ્થાનિક પોલીસે સંયુક્ત રીતે કુલગામમાં ઓપરેશન હાથ ધર્યું હતું, આ એન્કાઉન્ટરમાં ઘણા કલાકો સુધી ની અથડામણ બાદ સુરક્ષા દળોએ બે આતંકીઓને ઠાર માર્યા હતા. તે જ મહિનામાં ભારતીય સુરક્ષા દળોએ હિઝબુલના ટોચના કમાન્ડર રિયાઝ નાયકુને ઠાર માર્યો હતો
